منتدى روم ارض الاحلام
الســــلام عليــــكم

عزيزى الزائر

يرجى التشرف والدخول الى المنتدى ان لم تكن عضــوأ وتريد الانضمــام

الى اســـرة المنتــــدى

شكـــــــــــرأ

ادارة /روم ارض الاحلام


احلى رومات الباى لوكس روم ارض الاحلام 2alB_3eZaTT
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

  الشاعر جمال بخيت اغنيه مش باقى منى.. غير شوية ضى

اذهب الى الأسفل 
كاتب الموضوعرسالة
3asheq.b7b
Admin
avatar

عدد المساهمات : 135
تاريخ التسجيل : 05/01/2011
العمر : 24

مُساهمةموضوع: الشاعر جمال بخيت اغنيه مش باقى منى.. غير شوية ضى   الأحد يناير 16, 2011 3:47 pm

يخاطب الشاعر جمال بخيت في هذه القصيدة مصر, قائلا لها

مش باقى منى.. غير شوية ضى فى عينيا ،
انا حاديهوملك و امشى.. بصبرى فى الملكوت

يمكن فى نورهم تلمحى.. خطوة تفرق معاكى بين الحياة و الموت

مش باقى منى.. غير شوية قوة فى إرادتى
حسبى عليهم و انتى بتخطى

مش باقى منى غير شوية ضى فى عينيا.. انا مش عايزهم ،
لو كنت يوم حألمحك و انتى بتوطى

فى معركة ما فيهاش و لا طايرات و لا جيش

و انتى فى طابور العيش

بتبوسى ايد الزمن ينولك لقمة ، من حقك المشروع

مش باقى منى غير.. شرقة فى نفس مقطوع

و انا صوتى مش مسموع

يا حلمنا الموجوع

من المرور ممنوع

مستنى لما يمر موكب سلاطينك


و مش باقى منى.. غير شوية كفر بشروقك

على شوية رحمة من طينك

على شوية صبر من دينك

مش باقى منى.. غير شوية لحم فى كتافى
، بلاش يتبعتروا فى البحر

مش باقى منى غير شوية لحم فى كتافى ،
بلاش يتحرقوا فى قطر الصعيد فى العيد

بلاش لكلب الصيد تناوليهم

خدى اللى باقى من الأمل فيهم
و ابنى لى من عضمهم فى كل حارة مقام

و زورينى مرة وحيدة لو كل ألفين عام

ألم الجراح يتلم

و مش باقى منى غير شوية دم

متلوثين بالهم

مرين و فيهم سم

و مش باقى منى غير شوية دم
، ما قدركش أسقيكى مواجعهم

و برضه ما قدرش أرميكى و أبعهم

يمكن فى مرة تطلبينى شهيد
حاحتاج يوميها الدم
يمضى على شهادتى


استمع الى الاغنيه
فى النهايه اتمنى
ان اكون قد وفقت فى ايصال بعض من الحقيقه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ard-ela7lam.alafdal.net
 
الشاعر جمال بخيت اغنيه مش باقى منى.. غير شوية ضى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى روم ارض الاحلام :: الباى لوكس :: قسم الشعر والأدب-
انتقل الى: